Nauta Sanxenxo é a sociedade municipal que xestiona o porto deportivo de Sanxenxo cunha superficie concesional de 123.222 m². As súas instalacións comprenden unha área de auga de 90.000 m², 450 puntos de amarre e máis de 25.000 m² de espazo peonil.
O porto dispón dunha bocana de 50 m e un calado que oscila de 5 a 8 m e 450 amarres de entre 8 e 45 m. Os servizos inclúen guindastre de 70 Tn, Internet WIFI en pantaláns, recollida de todo tipo de residuos, vixilancia 24 horas, acceso restrinxido a peiraos e outros.
Nauta Sanxenxo tamén ten 3.000 m² de espazo comercial e 380 plazas de estacionamento.
No seu entorno inmediato podes atopar unha ampla oferta de restaurantes e hoteis. A 15 minutos hai dous campos de golf, un de 18 buratos e un de 9, entre outras cousas.
